د مصر اسلامی څيړنیزې ټولنې رنګي قرآنونو له چاپولو سره بیا مخالفت وکړ
ایکنانیوز راپور راکړی، محمد الجندي د مصراوی خبری سایت له خبریال سره په خبرو کې ووئيل؛ دالازهر اسلامی څيړنیزې ټولنې څه موده مخکې د قرآن په چاپولو کې د رنګي کاغذ څخه د استفادې پر ممنوعیّت مشتمله فیصله صادره کړې او د قرآن د متن لپاره ئې تور فونټ مناسب رنګ بللی دی.
هغه زیاته کړې ده ،دغه فیصله د قرآن کریم د منزلت او شأن د ساتلو په موخې سره غوره شوې او له دې امله په مصر کې درنګي قرآنونو د چاپ او خپراوي لپاره هیڅ ډول مجوز نه ورکول کیږي.
له الازهر سره اړونده داسلامی څیړنې دټولنې عمومی منشي دې ته په آشارې سره چې دمصحف بیا کتنې کمیتې د خداوندمتعال په درګاه کې لوي مسئولیّت لري ، ووئيل؛ د بیا کتنې او کنټرول له نظره د قرآن کریم د چاپ د اهتمام موضوع ،یوه ډيره مهمه مسئله ده ، له دې امله د اسلامی څيړنې ټولنه دغې مووضع ته خاص توجه لري.
الجندي ووئيل؛ په مصر کې د قرآن دعلومو د یوشمیر هغو متخصصانو د ډلې په وسیله په دغه هیواد کې په قرآن بیا کتنه چې د الازهر پوهنتون د قرآن د کالج د علمي پلاوي له غړو او د قرآن د قرائتونو د موسیسو غړي دي ،ترسره کیږي.
د یادولو ده چې له الازهر سره اړونده د اسلامی څیړنو ټولنې له دې مخکې هم د یوه حکم په صادرولو سره په مصر کې په فانتزي اونئوني رنګونو سره د قرآن چاپ ممنوع اعلان کړ او د دغه هیواد په بازار کې ئې د قرآن ددغورنګي نسخو له پلورلو سره مخالفت وکړ.
ددغې ټولنې د دستور العمل په اساسو د قرآن کریم متن یوازې باید په تور خط سره ولیل شي او د قرآن د صفحو زمینه او رنګ هم باید سپین یا کریمی رنګ وي.
له االازهر سره اړونده د اسلامی څيړنې د ټولنې د دستور العمل په اساس ، هره یوه خپرندویه موسیسه، که د قرآن کریم د چاپ لپاره ټاکل شوي معیارونه رعایت نه کړي، نو دغه ټولنه به موضوع د تعزیراتو مامورانو ته وړاندې کړي او دغه نسخې به له بازاره غونډې کړي او همداراز دغه خلاف ورزي کونکي خپرندویه موسیسه به د قرآن له چاپولو محرومه شي.
https://iqna.ir/fa/news/4274700
